Prva presuda za „SIM swapping“ napad

Joel Ortiz, dvadestogodišak iz Kalifornije,  osuđen je prošle sedmice na 10 godina zatvora zbog napada zamjene SIM kartica (SIM swapping). Ovaj vid prevare postao je sve češći u proteklih par godina, međutim Ortiz je prva osoba koja je osuđena u SAD-u. Vlasti terete Ortiz-a da je korišćenjem ovog napada ukrao preko 5 miliona dolara u kriptovalutama od 40 osoba.

Ortiz je prvo došao do brojeva telefona vlasnika, nakon čega je koristeći metode socijalnog inženjeringa uspio da ubijedi zaposlene u telekomu da je on vlasnik brojeva. Kako bi dobio nove SIM kartice Ortiz je koristio lične informacije žrtva koje uključuju i SSN – Social Security Number ( pandan JMBG-u koji se koristi u SAD-u).

Nakon preuzimanja brojeva Ortiz je iskoristio iste da promijeni lozinke na email adresama, nalozima na socijalnim mrežama, berzama kriptovaluta i bankarskim aplikacijama. Ovo mu je omogućilo da nesmetano prebacuje sva pronađena sredstva na računima.

Izvor:thehackernews.com